Deputetja demokrate, Dhurata Çupi ka reaguar në Kuvend në lidhje me skandalin e një vendimi të gjykatës shqiptare, e cila burgosi një nënën lehonë.
Çupi tha se arrestimi i një nënë dhe ndarja nga foshnja është një rast i dhimbshëm, pasi nuk mund të thyhet kaq rëndë kodi penal.
Sakaq shtoi se Kuvendi nuk duhet të nisë asnjë seancë pa diskutuar këtë ngjarje.
Dhurata Çupi: Debat për burgosjen e një nëne dhe ndarjen në mënyrë të dhunshme nga foshnja. Rast i rëndë, e dhimbshme, dëshpëruese, trishtuese. Opinioni është habitur si mund të thyhet kaq rëndë kodi penal. I përcaktuar qartë kodi penal për një nënë që ka një foshnje më të vogël se 1 vjeç. Ne këtu duhet një seancë debati ku ministri i Drejtësisë dhe i Brendshëm të njohin opinionin. Sot krimi është rrugëve, të korruptuarit, kriminelët e vrasësit e përdhunuesit janë rrugëve dhe arrestohet një nënë duke e ndarë nga foshnja 7 ditëshe. S’mund të nisë asnjë seancë tjetër para një debati të tillë.
Ndërkohë që krimi është rrugëve institucionet shtetërore duhet të japin informacion.
